Verse 10

3

عربی کا ایک قاعدہ انتشارِ ضمائر کا بھی ہے جس کے معنے یہ ہوتے ہیں کہ ایک ہی فقرہ میں کئی پہلے گذرے ہوئے وجودوں کی طرف ایک ضمیر پھیری جاتی ہے اور اس ضمیر کے معنے کرتے وقت کبھی وہ ایک وجود کی طرف پھرتی ہے اور کبھی دوسرے کی طرف۔ چنانچہ اس آیت میں تُعَزِّرُوْہُ میں ہٗ کی ضمیر رسول کی طرف پھرتی ہے اور تُوَقِّرُوْہُ میں ہٗ کی ضمیر خداتعالیٰ اور رسول دونوں کی طرف پھرتی ہے اور تُسَبِّحُوْہُ میں خداتعالیٰ کی طرف پھرتی ہے گویا ضمیر تو ایک ہی ہے لیکن اس کے مرجع مختلف ہیں کبھی خداتعالیٰ ہے اور کبھی رسول۔